![](https://blogger.googleusercontent.com/img/b/R29vZ2xl/AVvXsEiq5OqhhHEzsLYMmf7vC5c03SLTHOqhD-M8JERWNzyqxMvj2gTZfw7793Dy0t9ydnJ19EYcZiyoy2EN7Zxt51Bdf4ioW5zmJJ0qUgfik3A16_ikYj51soWXHhbWNc5gMNpZpqZ4mmOiypA/s400/IMG0098A.jpg)
![](https://blogger.googleusercontent.com/img/b/R29vZ2xl/AVvXsEgOgX78Mxsmn9Gpu5djDKskskRt04YkZJ0d3eKJtrVQNAOlsluIFpA2y5gZKpKGIenrBnYQyXtZL615ASOeGMni8rcnHdrN4phkzFVCJBWZ-aDQkus60T6SCj1bu787NC1d2lE4yol1DPo/s400/IMG0001B.jpg)
![](https://blogger.googleusercontent.com/img/b/R29vZ2xl/AVvXsEhSTbAaetn2EW2w_cas41rilSNwm1oacc1t4ZcrDFe5w7gBEbXHaaxES3ghAPCl__5HiNteXqQ-kOY3cRXAQ9GPgjH3nirMuq0f580YIOH-p7EmYzGJu5r1tu0Z45LiTLOnNVhXkXJW9Uo/s400/IMG0059A.jpg)
![](https://blogger.googleusercontent.com/img/b/R29vZ2xl/AVvXsEjSUwdJhBtTLH3JxZ9RhjceZ0LeorHxN0ArLZFUN4G8sC8mm3PHI_gEEcSeF2ykvWkNjddUhmRtgwdlIC8wgPxvH8T2s87fz81RPX7AHfafKNMXuOW6GZlQuLeMBx9o2u9ekDdwnQifPjc/s400/IMG0083A.jpg)
நஞ்சுபுரம் திரைப்படம் வெளியாகி திரையரங்குகளில் வெற்றிகரமாகவே ஓடிக்கொண்டிருக்கிறது. இணையதளம் ஒன்று சென்னை மாநகர வசூலில் நஞ்சுபுரம் இரண்டாம் இடத்தில் இருப்பதாகக் கூறுகிறது. நண்பர்கள் திரைப்படத்தைப் பார்த்திருப்பீர்களா என்று எனக்குத் தெரியாது. திரையுலகில் படத்தைப்பற்றி கருத்தாக என்ன உலவுகிறது என்று விசாரித்ததற்கு ‘புதிது. மதிக்கத்தக்க முயற்சி’ என்று நண்பர்கள் பலர் தெரிவித்தனர்.
அரங்குகளுக்கு வந்து திரைப்படம் பார்க்கும் வழக்கம் கொஞ்சம் கொஞ்சமாக மக்களிடமிருந்து அகன்று கொண்டிருக்கிறது. ஆனால், அவர்கள் வெளியாகும் எல்லாத் திரைப்படங்களையும் திருட்டுக் குறுந்தகடுகளில் அல்லது விரைவில் நிகழும் தொலைக்காட்சி ஒளிபரப்பில் நிச்சயமாகப் பார்க்கிறார்கள். திரையுலகம் மீதமிருக்கும் ரசிகர்களைத் தக்கவைத்துக்கொள்ள கடுமையாக முயன்றுகொண்டிருக்கிறது. நாயக மயக்கங்களுக்குத் தமிழகம் நிரந்தரப் புகலிடம் என்பது மட்டும் எனக்குத் தெளிவாகப் புரிகிறது.
படத்தைப் பற்றிய விமர்சனங்கள் வந்துகொண்டிருக்கின்றன. முன் தீர்மானமற்ற, மேதாவிக் கொழுப்பற்ற, ஆக்கபூர்வமான புதுமுயற்களின் மீது அக்கறையுள்ள விமர்சகனின் மனது நஞ்சுபுரத்தை முழுமையான இதயத்துடன் அங்கீகரிக்கிறது. பரிந்துரைக்கவும் செய்கிறது.
இத்திரைப்படத்தில் ஒவ்வொரு துறைசார்ந்து பங்கேற்ற ஒவ்வொரு கலைஞரும் தம்மால் இயன்ற சிறப்பானவற்றை வழங்க முற்பட்டிருக்கிறார். ஒளிப்பதிவாகட்டும், படத்தொகுப்பாகட்டும், பாடலிசை/பின்னணி இசையாகட்டும், இயக்கமாகட்டும் !
விறுவிறுவென்று இத்திரைப்படத்திற்குக் கிடைத்த விளம்பரம் பற்பலரையும் கொஞ்சம் பொறாமை கொள்ளத் தூண்டிவிட்டது. அந்தப் பொறாமைக்கு இப்படக்குழுவில் பணியாற்றிய இளைய உள்ளங்களாகிய நாங்கள் சற்றும் இலக்காகிவிடத் தகுதியுடையோர் அல்லோம். உங்கள் நேசிப்புக்கும் அன்புக்கும் மட்டுமே உரிய எளியவர்களே யாம் யாவரும்.
உங்களுக்கு ஒன்று தெரியுமா ? படத்தின் உரையாடல்களில் தற்செயலாக இடம்பெற்றுவிட்ட மூன்று சொற்களைத் தவிர ( பி.ஏ. / பிரண்டு / லூசு ) வேறு ஆங்கில வார்த்தைகளே இல்லை எனலாம். படம் முழுக்க ஆண் கதாபாத்திரங்கள் எல்லாரும் வெள்ளை வேட்டி அல்லது லுங்கிகளில் (சோடிப்பாடலில் ஒருநொடி/மற்றும் தோழர் தவிர்த்து) மட்டுமே வருகின்றார்கள். இது சிறிய அளவிலான கலாச்சாரப் பங்களிப்பாகக் கருதப்பட மாட்டாதா என்ன ? மேலும், மொழிபெயர்ப்புக்காக சாகித்ய அகாதமி விருது பெற்ற எழுத்தாளர் தி.சு.சதாசிவம் அவர்கள்தாம் வைத்தியராக நடித்திருப்பவர்.
சில குறிப்பிடத்தகுந்த விமர்சனங்களை வாசிக்க இங்கே செல்க !
http://ww5.4tamilmedia.com/index.php/cinema/movie-review/3802-nanjupuram-cinema
http://www.mysixer.com/?p=9651
http://www.lankafocus.com/cinema/?p=11921
http://tamilcinema.com/CINENEWS/REVIEW/2011/nanjupuram.asp
http://expressbuzz.com/entertainment/reviews/nanjupuram/262321.html
http://www.snehasallapam.com/malayalam-movie-discussions/4831-athimanoharam-ee-nanjupuram.html
http://www.getcinemas.com/nanjupuram-review
http://www.cinefundas.com/2011/04/02/nanjupuram-tamil-movie-review
படம் பார்த்திருந்தீர்களானால் உங்கள் கருத்துகளைப் பின்னூட்டமிடுக !